21 лютага ў Міжнародны дзень роднай мовы ў каледжы распачаўся Тыдзень роднай мовы “Мова-тое, што нас яднае”. На працягу ўсяго дня гучала беларускае слова, беларуская песня. З задавальненнем навучэнцы, настаўнікі і супрацоўнікі каледжа паўдзельнічалі ў бяспройгрышнай латарэі “Мілагучнае роднае слова” і паспрабавалі сябе ў ролі перакладчыкаў. Вядучыя прапаноўвалі перакласці рускія словы на беларускую мову. Тыя, хто сумняваўся ў перакладзе, маглі упэўніцца, заглянуўшы ў руска-беларускі слоўнік. Усіх чакаў салодкі пачастунак.

Навучэнцы і супрацоўнікі  каледжа таксама прынялі ўдзел у напісанні Гродзенскага абласнога дыктанта. Пісалі тэкст “Успаміны маленства”, прысвечаны 80-годдзю Перамогі ў Вялікай Айчыннай вайне. У аснову пакладзены ўспаміны Барыса Сачанкі пра сваё маленства.